શેર અંતાક્ષરી – 2

છેલ્લી શેર અંતાક્ષરીની શૃંખલામાં

“યાદની ચીઠ્ઠી બળી ગઈ

માછલી વીંટી ગળી ગઈ”

પર હું અટકી હતી… આજે ઉર્મિબેને ‘ઈ’ પરથી એક સુંદર શેર લખીને આ ખૂટતી કડી પૂરી કરી એટલે આજે ફરીથી આ શૃંખલા આગળ વધારવાની ઈચ્છા થઈ ગઈ… તો ચાલો ઉર્મિબેને આપેલા શેરથી ફરી શરૂ કરીએ…

*

ઈશ્વર સ્વરૂપે જેને જગત ઓળખી રહ્યું

એ શૂન્યની પિછાણ હતી, કોણ માનશે?

*

શૈયા મળે છે શૂળની ફૂલોના પ્યારમાં

ભોળા હૃદયને જાણ હતી, કોણ માનશે?

*

શબ્દકોશો ને શરીરકોષોની પેલે પારના

પર્વ ઉજવતા થયાં ગુલમ્હોર એટલે

*

લ્યો સ્મરણના ઊંટ તો હાંફી ગયાં

ને હવે શરૂઆત રણની થાય છે

*

છે સ્ખલન બે-ત્રણ પ્રસંગોમાં મને પણ છે કબૂલ

કોણ જાણે કેમ આખી જિંદગી બદનામ છે…

*

છે અજબ પ્રકારની જિંદગી, કહો એને પ્યાસી જિંદગી

ન રહી શકાય જીવ્યા વિના, ન ટકી શકાય જીવન સુધી…

*

ધાર કે વેચાય છે સામી દુકાને સ્વર્ગ, પણ

કોણ ઓળંગે સડક એ ધારણાના નામ પર….

*

રમતા – રમતા લડી પડે ભૈ માણસ છે

હસતાં-હસતાં રડી પડે ભૈ માણસ છે

*

છલોછલ ઓસનો આસવ પીધો છે રાતભર એણે

સવારે ઘાસની આંખે દિશાઓ ઝૂમવા લાગી…

*

ગળેથી જરા ઉતરી કે તોફાની થઈ ગઈ

હતી જામમાં સાવ સાદી મદીરા

*

રહે મારું જીવન જો એક જ દશામાં,  હવેથી ચમનમાં બહારો ન આવે

વિખૂટી પડે ચાંદ-સૂરજની જોડી, કદી સાંજ પાછળ સવારો ન આવે…

*

ચાલો હવે ‘વ’ પર અટકી છું…  મદદ કરશો ને??

Published in:  on February 21, 2009 at 10:21 am Comments (4)

The URI to TrackBack this entry is: http://shabdalay.wordpress.com/2009/02/21/%e0%aa%b6%e0%ab%87%e0%aa%b0-%e0%aa%85%e0%aa%82%e0%aa%a4%e0%aa%be%e0%aa%95%e0%ab%8d%e0%aa%b7%e0%aa%b0%e0%ab%80-2/trackback/

RSS feed for comments on this post.

4 Comments Leave a comment.

  1. On February 21, 2009 at 1:25 pm Mansi Shah Said:

    વમળમાં ડૂબવાની મારી હિંમત,
    જુએ છે આ કિનારો મુગ્ધ થઈને.

    નયનને બંધ રાખીને મેં જ્યારે તમને જોયા છે
    તમે છો એના કરતાં પણ વધારે તમને જોયા છે

  2. On February 23, 2009 at 11:09 am Vikas Belani Said:

    v par thi
    “varsho pachhi malya chho eno a puravo chhe,
    je mehandi hath ne pag par hati te kesh par lagi”
    – Mariz saheb

  3. On February 23, 2009 at 11:13 am Vikas Belani Said:

    v par thi

    ” virah ni vedna tapke chhe jo varsha rupe,
    lai ne jam, hu bethho chhu lakhva ne Ghazal,

    lakhu tara vishe ke hu lakhu mara vishe ??
    bhini-bhini j lakhvani chhe mare aa Ghazal”
    – Vikas Belani ‘ Rushabh ‘

  4. On March 31, 2009 at 10:36 am Pinki Said:

    hii dear !!

    wake up …. waiting for antaxari part-3


Leave a Comment